آخر میں ہم تہہ دل سے لالیوالی اتحاد گروپ کے تمام معزز اور مخلص ممبران کے شکر گزار ہیں جنہوں نے اس عظیم اور بابرکت کارِ خیر میں اپنی رضاکارانہ شرکت اور مالی تعاون سے حصہ لیا۔ جن احباب نے اپنی محنت کی حلال کمائی مسجد نورِ مدینہ لالیوالی کی تعمیر کے لیے پیش کی، اللہ تعالیٰ ان کی اس قربانی کو اپنی بارگاہ میں شرفِ قبولیت عطا فرمائے۔ ربِ کریم ان کے مال میں بے حساب برکت عطا فرمائے، ان کی جائز خواہشات کو پورا کرے، ان کے گھروں میں سکون، دلوں میں اطمینان اور زندگیوں میں آسانیاں پیدا فرمائے۔ اللہ تعالیٰ اس نیک عمل کو ان کے لیے دنیا اور آخرت میں نجات، بخشش اور کامیابی کا ذریعہ بنائے، اور اس مسجد کی تعمیر میں کیا گیا ہر ایک تعاون ان کے نامۂ اعمال میں صدقۂ جاریہ کے طور پر درج فرما دے۔ یا اللہ! جن احباب نے وقت، محنت یا دعا کے ذریعے اس کام میں حصہ لیا، ان سب کو اپنی خاص رحمتوں میں شامل فرما۔ آمین یا رب العالمین